Бүгүн эртең менен өлкөнүн түштүгүндө күчү 2,5 баллга жеткен жер титирөө катталды

Бүгүн, 26-ноябрь күнү саат 09:32 чамасында Кыргызстандын аймагында жер титирөө катталды. Бул тууралуу ӨКМнын басма сөз кызматы билдирди.

Маалыматка караганда, зилзаланын күчү эпицентринде 2,5 баллга жеткен. Анын очогу Кара-Суу айылынан 15 чакырым түндүк-чыгышты, Ош шаарынан 25 чакырым түштүк-батышты, Куршаб айылынан 15 чакырым түштүк-батышты, Өзгөн шаарынан 25 чакырым түштүк-батышты карай жайгашкан. Алдын ала маалыматтар боюнча, кыйроолор жана жабыркагандар жок.