Кыргызстандагы автоунаалар кайрадан техникалык кароодон өткөрүлө баштайт

Өкмөт Кыргызстандагы автоунааларды кайрадан техникалык кароодон өткөрүүнү сунуштоодо. Өкмөттүн мындай демилгесин экономика министринин орун басары Данил Ибраев Жогорку Кеңештин 26-ноябрдагы жыйынына алып чыкты. Ибраев бул норма Кыргызстандын Бажы биримдигине кирип жаткандыгына байланыштуу экенин айтты. “Чыкканына 7 жыл болгон жеке жана коммерциялык автоунаалар техникалык кароодон сөзсүз өткөрүлүшү керек”,- деди Ибраев.

Талкуудан кийин депутаттар аталган мыйзам долбоорун экинчи окууда добуш берүүгө жиберишти.

Эскерте кетсек, Кыргызстандагы унааларды техникалык кароодон өткөрүү 2012-жылы парламент тарабынан жокко чыгарылган болчу.