Ош шаарындагы мектептердин биринде коопсуздук жана сойкулуктун алдын алуу боюнча жыйын өтүүдө

Ош шаарындагы Максим Горький атындагы мектепте коопсуздук, сойкулуктун алдын алуу боюнча жыйын өтүүдө. Бул тууралуу бүгүн, 26-ноябрда мэриянын басма сөз кызматынан билдиришти. Жыйынга Ош шаардык мэриясынын өкүлдөрү, укук коргоо органдарынын кызматкерлери, кварталдык жетекчилер жана шаардын тургундары катышууда.

Жыйындын өтүшүнө А.Масалиев көчөсүнүн тургундарынын кайрылуусу себеп болгон. Алардын айтымына караганда, аталган көчөгө сойкулардын байма-бай чыгып, коомго жат иш менен алектенип жаткандарына жергиликтүү тургундар нааразычылыгын билдиришкен.