Борбор калаанын тургундарына дин тууралуу түшүндүрүү иштери жүргүзүлөт

Кыргызстан мусулмандарынын дин башкармалыгынын үгүт-насаат жана мечиттер бөлүмүнүн демилгеси менен Бишкек шаарынын 6 мечитинде элибизге ислам дининин негиздерин түшүндүрүү иштери жүргүзүлөт. Бул тууралуу муфтияттын басма сөз кызматынан билдиришти.

Маалым болгондой, аталган иш-чара мусулманчылыктын асыл сапаттарына, ыймандуулукка, сабырдуулукка, Ата Мекенди сүйүүгө, улуттар аралык ынтымакка чакыруу жана өз ара урмат-сый мамилени калыптандыруу максатында уюштурулууда.

“Бул сабакка катышам дегендер өз каалоолору менен атайын журналга катталып, күнүнө үй тапшырмасын алып кетип турушат. Ошону менен бирге көптөгөн пайдалуу маалыматтарга ээ болушуп, өздөрүнүн билимдерин жогорулатып алууга чоң мүмкүнчүлүк түзүлөт”,- дейт Дин башкармалыгынын үгүт-насаат бөлүмүнүн адиси Жолдошбек ажы Абдылдаев.