Саламаттыкты сактоо министри ооруканаларды кыш мезгилинде электр энергиясы менен үзгүлтүксүз камсыздоону тапшырды

Саламаттыкты сактоо министри Талантбек Батыралиев министрликтин болуп өткөн коллегиясында облустардагы координаторлорду, ошондой эле министрликтеги жоопкерчиликтүү кызматкерлерди кыш мезгилинде дарылоо мекемелерин электр жарыгы менен камсыз кылуу иштерин күчөтүүнү жана катуу көзөмөлгө алууну тапшырды.

"Жылуулук сезонунун алдында жана электр жарыгын авариялык өчүрүү болгон учурларда облустардагы координаторлор жана министрликтин жоопкерчиликтүү кызматкерлери саламаттыкты сактоо мекемелерин электр энергиясы менен камсыз кылуу жана техникалык-уюштуруу маселелери боюнча иштерди күчөтүүсү зарыл",- деди Т.Батыралиев. 

Аны менен бирге облустардагы бүгүнкү күнгө чейин генераторлор менен камсыздалбаган дарылоо мекемелеринин координаторлоруна сөгүш жарыяланды.