Ысык-Көлдө жер титирөөдөн жабыр тарткандарга гуманитардык жардам жеткирилди

Ош шаардык мэриясынан жана Ош, Баткен, Чүй, Нарын, Жалал-Абад жана Талас облустук администрациялары тарабынан жөнөтүлгөн гуманитардык жардам (тамак-аш азыктары, курулуш материалдары жана көмүр), 21 оор жүк ташуучу унаанын (7 оор жүк ташуучу унаа КР ӨКМнын унаалары) жардамында Ысык-Көл облусунун Тоң районуна жеткирилди.

ӨКМнын басма сөз кызматы бүгүн, 27-ноябрда билдиргендей, жалпы Ысык-Көл облусу боюнча 2833 арыз түшкөн, 2833 турак үй жана 47 социалдык объект текшерүүдөн өтүп, анын ичинен 951 турак үй жана 15 социалдык объект I даражада, 1362 турак үй жана 18 социалдык объект II даражада, 284 турак үй жана 13 социалдык объект III даражада, 163 турак үй жана 1 социалдык объект IV даражада зыянга учураган.

Эске салсак, 14-ноябрь күнү болуп өткөн жер титирөөнүн кесепетинен жабыркаган турак жайларды жана социалдык объекттерди Жарандык коргонуу комиссиясы текшерүүдө.