Кыргызстанга оң рулдуу унааларды киргизүүгө тыюу салынса, бюджетке 1 миллиард 425 миллион сом түшпөй калат

Кыргызстанга оң рулдуу унааларды киргизүүгө тыюу салчу мыйзам буга чейин киргизилген жана пайдаланылып жаткан оң рулдуу унааларга тийиштүү эмес. Муну парламенттин 27-ноябрдагы жыйынында экономика министринин орун басары Адылбек Касымалиев билдирди. Өлкөгө оң рулдуу унааларды киргизүүгө тыюу салынгандан кийин бюджетке жыл сайын 1 миллиард 425 миллион сом түшпөй калары айтылды. Депутаттар сол рулдуу унаалар кымбат экенин, мыйзам кабыл алынса, карапайым калкка кыйынчылык жарала турганын айтышууда.