Быйыл өлкөдөгү туризм тармагын өнүктүрүү үчүн бюджеттен 48 миллион сом бөлүп берүү каралган

"Быйыл Кыргызстандагы туризм тармагын өнүктүрүү үчүн республикалык бюджеттен 48 миллион сом акча бөлүп берүү сунушталган, бирок акча бөлүнө элек". Мындай маалыматты бүгүн, 1-февралда ЖКнын "Республика" фракциясынын жыйынында Туризм департаментинин директору Данияр Казаков билдирди. “Жадакалса туристтер үчүн бизде жүргүзүлүп жаткан иш-чараларды чагылдыруу үчүн кагаз, техникалар жетишсиз” деди ал. Казаков мындан сырткары департаменттин алдында туризмди өнүктүрүү жана аны даңазалоо боюнча пландалган иш-чаралар бар экендигин билдирип, бирок акчанын жетишсиздигинен ишке ашпай жатканын кошумчалады.