Индира Жолдубаева: "Коомчулукта коррупция менен күрөшүү үстүртөн гана өтүүдө деген пикирлер айтылууда"

"Коомчулукта коррупция менен күрөшүү үстүртөн гана өтүүдө деген пикирлер айтылууда",- деди бүгүн, 28-ноябрда тегерек столдун жүрүшүндө КРнын Президентинин аппаратынын соттук реформа жана мыйзамдуулук бөлүмүнүн башчысы Индира Жолдубаева.

Анын айтымында, укук коргоо түзүмдөрү аркылуу пара алуучуларды кармоо коррупциянын себептери менен эмес, натыйжасы менен күрөшүү болууда. "Коррупцияга каршы күрөшүү саясий программа боло албайт. Пара алуучуларды бир-бирден кармап коррупцияны жоё албайбыз. Бул көйгөйдүн тамырларын аныктоо керек. Пара алууга ыңгайлуу шарттарды түзүп берген айрым нормативдик-укуктук актыларды карап чыгуу туура",- деди Жолдубаева.