Бишкекте рублдун курсу 1 сом 15 тыйынга түштү

28-ноябрга карата Бишкектин акча алмаштыруучу жайларында рублдун курсу дагы бир ирет төмөндөдү. Учурда 1 рублду сатып алуу 1 сом 15 тыйын, сатуу 1 сом 18 тыйын болууда. Айта кетсек, өлкөдө рублдун курсу акыркы 4-5 айдан бери кескин төмөндөө үстүндө. Мисалы, 6-ноябрга карата орус валютасын сатып алуу 1 сом 25 тыйын болсо, сатуудагы баа 1 сом 27 тыйын болгон эле. Мындан 5 ай мурун, июнь айында рублду сатып алуу 1 сом 50 тыйын, сатуу 1 сом 51 тыйынды түзгөн. 

Орусия акча бирдигинин арзандашы аталган өлкөдө иштеп жаткан мекендештер үчүн жагымсыз көрүнүш. Анткени алар иштеп таап, мекенине жөнөткөн акчанын (рублдун) күчү жоголууда.