Ош. Орус тилинде билим берген класстарды ачуу аракеттери жылдан-жылга арбып баратат

Ош шаардык билим берүү башкармалыгына караштуу окутуу орус тилинде жүргүзүлгөн мектептерде башталгыч класстын мугалимдери жетишсиз экендигине байланыштуу аталган башкармалык адис менен камсыз кылуу максатында тийиштүү иш-аракеттерди жүргүзүп жатат. Буга чейин КРнын Билим берүү жана илим министрлигине, ОшМУнун жана ОГПИнин жетекчилерине кайрылуулар жолдонгон. Бул тууралуу аталган башкармалыктан кабарлашты.

Маалыматка ылайык, окутуу орус тилинде жүргүзүлгөн алдынкы мектептерде башталгыч класстар жетишпей келгендиги айтылып жүрөт. Ошондой болсо да окуучунун саны көбөйүп, орус тилинде билим берген класстарды ачуунун аракеттери жылдан-жылга арбып бара жатат. Себеби балдарын орус тилдүү мектепке окутууну каалаган ата-энелер абдан көп. Учурда шаарда окутуу орус тилинде жүргөн мектептердин саны 8 болсо, окуучулардын саны - 12 934. Ал эми окутуу кыргыз тилинде болгон мектептердин саны - 13 (анда 7271 окуучу билим алат). Кыргыз-орус тилинде 9, өзбек-орус тилинде 19 жана өзбек тилинде окуткан 2 мектеп бар.