Жоомарт Оторбаев иш сапары менен Москвага барат

Премьер-министр Жоомарт Оторбаев иш сапары менен Москвага барат. Өкмөттөн билдиришкендей, премьер-министр 1-декабрда Орусиянын өкмөт башчысы Дмитрий Медведев менен жолугушуу өткөрүп, экономика, энергетика, өндүрүш жана башка маселелерди талкуулайт. 2-декабрда өкмөт башчы Кыргызстан менен Орусиянын ортосундагы соода-экономикалык, илимий-техникалык жана гуманитардык кызматташтык боюнча өтүүчү кыргыз-орус өкмөттөр аралык жыйынына катышмакчы.