Өлкө башчы бир катар судьяларды мөөнөтүнөн мурда кызматтан бошотту

Мамлекет башчы Алмазбек Атамбаев бир катар жергиликтүү соттордун судьяларын мөөнөтүнөн мурда кызматтарынан бошотту. Президент Сотторду тандоо кеңешинин сунушу менен төмөнкү судьяларды кызматтан алуу боюнча буйрук чыгарды: 

Анарбек Конгайтиев - Талас облусундагы Талас шаардык сотунун төрагасы;

Раимжан Нурматов - Бишкек шаарынын Ленин райондук сотунун судьясы;

Муратбек Орозбеков - Бишкек шаарынын Ленин райондук сотунун судьясы;

Аскар Сүйүмбаев - Чүй облусунун Аламүдүн райондук сотунун судьясы. 

Буйрук кол коюлган күндөн баштап күчүнө кирерин билдирет президенттик аппараттын басма сөз кызматы.