Бишкекте бийиктикке чыгуу боюнча мелдеш өтөт

5-7-декабрь аралыгында Бишкекте бийиктикке чыгуу спорту боюнча (скалолазание) Борбор Азиянын Ачык биринчилиги өтөт. Мелдешке Кыргызстан, Казакстан, Өзбекстан жана Орусиянын спортчулары катышат. Бул тууралуу уюштуруучулар кабарлашты.

Маалыматка ылайык, анда 4 түрдүү жаш курактагы спортчулар татаалдык, ылдамдык, боулдеринг жана жампинг жарыш түрлөрү боюнча таймашышат. “Бул мелдешти уюштуруу менен кыргызстандыктар аталган спорт түрү боюнча өз күчүн көрсөтүп, башкалардан сабак ала алышат” деп белгиленет маалыматта.