Кыргызстанда быйыл 9 айда 108 470 айдоочулук күбөлүк берилди

Кыргызстанда 2014-жылдын 9 айында жарандарга 108 470 айдоочулук күбөлүк берилди. Мамлекеттик каттоо кызматынын маалыматы боюнча, берилген күбөлүктөрдүн 4669у эл аралык үлгүдө. Күбөлүктөр төмөнкү органдар тарабынан берилген:

Билим берүү жана илим министрлигине караштуу автомектептер 3967 күбөлүк беришкен;

Эмгек, миграция жана жаштар министрлигине караштуу кесиптик-техникалык окуу жайлар 9333 күбөлүк;

"Республикалык Коргоо спорттук-техникалык уюму" кеңешинин окуу жайлары 20 420 күбөлүк;

"Транспорттук каражаттарды айдоочулар союзуна" караштуу автомектептер 8901 күбөлүк;

Юридикалык жактарга караштуу автомектептер 34 547 күбөлүк;

Өз алдынча даярдануу боюнча 1141 күбөлүк. 

Жараксыз абалга келгени, жоголгону, мөөнөтү аяктаганына байланыштуу жана башка себептер менен 25 492 күбөлүк берилгени айтылды. 9 ай ичинде талапка жооп бербеген 104 автомектептин иши токтотулуп, 26сы жабылды.  

Кыргызстанда учурда айдоочулукка окутуучу 239 мекеме иштеп жатат.