Путин евразиялык интеграциянын шартында Кыргызстан менен экономикалык кызматташууну өнүктүрүү боюнча макулдашууну бекитти

Орусиянын президенти Владимир Путин евразиялык интеграциянын шартында Кыргызстан менен Орусиянын ортосундагы экономикалык кызматташтыкты өнүктүрүү жөнүндө макулдашууну ратификациялоону бекитти. Муну бүгүн, 2-декабрда орусиялык маалымат булактары жарыялашты. Аталган документке 2014-жылдын 29-майында Астана шаарында кол коюлган. Анда президенттер Алмазбек Атамбаев менен Владимир Путин уставдык капиталы 500 миллион долларлык Кыргыз-Орус өнүктүрүү фондун түзүүнү макулдашкан эле. Фондго аталган сумманын 100 миллион доллары быйыл 31-декабрга чейин, калган 400 миллион доллары 2016-жылдын 29-майына чейин түшмөкчү.