Жалал-Абадда жаштар арасында бокс боюнча мелдеш башталды

Жалал-Абад шаарындагы Раатбек Санатбаев атындагы спорт залында өлкөдөгү жаштар арасында бокс боюнча мелдеш башталды. Бул тууралуу шаардык мэриянын басма сөз кызматы 3-декабрда билдирди.

Ага жети облустан жана Ош, Бишкек шаарынан спортчулар келип, жалпы 9 командадан 100 мушкер катышууда. Ал эми калыстар мүчөлөрүнө Кыргызстандын аймагындагы эмгек сиңирген мыкты машыктыруучулар дайындалган.

"1, 2, 3-орундун жеңүүчүлөрүнө медаль жана кийинки орундарга сыйлыктар тапшырылмакчы. Сыйлыктар Кыргызстандын Бокс федерациясы жана Жалал-Абад шаардык мэриясы тарабынан каралды",- деди Жалал-Абад шаарынын бокс боюнча башкы машыктыруучусу Акматжан Азимов.

Кыргызстандын эмгек сиңирген машыктыруучусу Бакыт Рыскулов бул жерден алдынкы орунга чыккан мушкерлерди Кыргызстандын курама командасына кошору айтылууда.