Депутаттар 2015-жылга республикалык бюджеттин долбоорун чийки дешүүдө

Жогорку Кеңештин 3-декабрдагы жыйынында “Кыргыз Республикасынын 2015-жылга республикалык бюджети жана 2016-2017-жылдарга болжолу жөнүндө” мыйзам долбоору экинчи окууда каралып жатат. Жыйында депутаттар бюджет долбоорунун бир катар кемчиликтерин айтышты. Депутат Чыныбай Турсунбеков: “Мен көп нерсе айтайын дегем, бирок Кыргызстан кийинки жылы Бажы биримдигине кирип жаткандыктан, ага байланышкан эч кандай сунуштар же божомолдор жок экен”,- деди. Ал эми Исмаил Исаков буларды айтты: “Каралып жаткан бюджеттин долбоору коррупцияны күчөтөт. Биз комитеттерде да карап чыкканбыз. Бирок анда айтылган сунуштардын бири да киргизилбептир. Бюджет чийки. Мен депутаттарды колдобоого чакырам”. 

Талкуу уланууда.