Жумгал районунда билим берүү адистерине турмуш-тиричилик коопсуздугу боюнча окуу өттү

Жумгал районунда билим берүү адистерине турмуш-тиричилик коопсуздугу боюнча окуу өттү. Бул тууралуу ӨКМнын басма сөз кызматы бүгүн, 3-декабрда билдирди.

Маалыматка караганда, Жумгал районунун айыл аймактарынын билим берүү мекемелеринде “Жергиликтүү деңгээлде өзгөчө кырдаалдарга даярдыкты күчөтүү жана кырсыкты азайтуу маселелери” деген темада окуу болуп өттү. Окуунун негизги максаттары - турмуш-тиричилик коопсуздугу сабагынын окутуу усулдары боюнча иштелмелерди иштеп чыгуу, өзгөчө кырдаалдарга болгон даярдыктарды күчөтүү, андан тышкары жарандык коргонуу мыйзамынын жана башка ченемдик-укуктук актыларынын талаптары боюнча мектеп мугалимдеринин билимин жогорулатуу жана тажрыйба арттыруу. Окуунун жүрүшүндө мектептерге, бала бакчаларга биринчи медициналык жардам көрсөтүүгө аптечкалар таратылып берилди.