Ош-Баткен-Исфана жолун оңдоо иштери 31-декабрга чейин бүтөт

Ош-Баткен-Исфана жолун (1-фаза) оңдоо иштери быйыл 31-декабрга чейин бүткөрүлөт. Аталган жолдун Ноокат ашуусу тилкесин (10-28-чакырымы) жаңылоого жалпы 919 миллион сом каралып, 1-ноябрга карата 737 миллион сому жумшалганы айтылды. Учурда бул долбоордо 111 жумушчу иштеп жатканын, мунун 65и жергиликтүү тургундар экенин Транспорт жана коммуникация министрлиги билдирди. Жолдун курулушуна Дүйнөлүк банк каражат бөлүүдө, акчанын 60 пайызы насыя, 40 пайызы грант түрүндө берилип жатат.