Жогорку Кеңеш Бажы биримдигине кирүү боюнча мыйзам долбоорлорунун кезектеги топтомун талкуулап жатат

Жогорку Кеңештин 4-декабрдагы жыйынында Кыргызстандын Бажы биримдигине жана Бирдиктүү экономикалык мейкиндикке кирүүсүнө байланыштуу 8 мыйзам долбоору экинчи окууда каралууда. Депутаттардын суроолоруна биринчи вице-премьер-министр Тайырбек Сарпашев, экономика министри Темир Сариев жана башкалар жооп берүүдө.

Каралып жаткан мыйзам долбоорлору төмөнкүлөр:

- “Кыргыз Республикасындагы табигый жана уруксат берилген монополиялар жөнүндө” Кыргыз Республикасынын мыйзамына өзгөртүүлөрдү жана толуктоолорду киргизүү тууралуу” мыйзамдын долбоору;

- “Кыргыз Республикасынын айрым мыйзам актыларына толуктоолорду жана өзгөртүүлөрдү киргизүү жөнүндө” мыйзамдын долбоору;

- “Өсүмдүктөрдүн карантини жөнүндө” мыйзамдын долбоору;

- “Атмосфералык абаны коргоо жөнүндө” Кыргыз Республикасынын мыйзамына толуктоо киргизүү тууралуу” мыйзамдын долбоору;

- “Айлана-чөйрөнү коргоо жөнүндө” Кыргыз Республикасынын мыйзамына толуктоолорду киргизүү тууралуу” мыйзамдын долбоору;

- “Селекциялык жетишкендиктерди укуктук коргоо жөнүндө” Кыргыз Республикасынын мыйзамына өзгөртүүлөрдү жана толуктоолорду киргизүү тууралуу” мыйзамдын долбоору;

- “Энергетика жөнүндө” Кыргыз Республикасынын мыйзамына толуктоо киргизүү тууралуу” мыйзамдын долбоору;

- “Жарнак жөнүндө” Кыргыз Республикасынын мыйзамына өзгөртүүлөрдү жана толуктоо киргизүү тууралуу” мыйзамдын долбоору.