Кара-Балта шаарында эки мектеп бириктирилип, бошогон имаратка "Керемет бөбөк" аттуу бала бакча ачылды

Кара-Балта шаарында эки мектеп бириктирилип, бошогон мектеп бакча болуп түзүлүп, ишке берилди. Мындай чечим Кара-Балта шаардык мэриясы жана шаардык кеңештин депутаттары тарабынан кабыл алынды. Жаңы ачылган “Керемет бөбөк” бала бакчасынын ачылыш аземине Чүй облусундагы Жайыл районунун акими жана шаар башкармалыгы катышты. Бул бала бакчаны оңдоп-түзөө иштерине Кара-Балта шаардык мэриясы 3,5 миллион сом бөлүп берген. Бала бакча 200 балага ылайыктуу.