Өткөн сутка ичинде өлкө аймагында 9 өрт кырсыгы катталып, Кант шаарында кампанын 420 чарчы метр чатыры күйүп кетти

Жарандык коргонуунун Өрткө каршы күрөшүү кызматынын маалыматы боюнча, акыркы суткада өлкө аймагында 9 өрт кырсыгы катталып, аларды өчүрүүгө 10 өрт өчүрүү бөлүмү тартылган.

Өзгөчө кырдаалдар министрлигинин басма сөз кызматынын 9-декабрда берген маалыматына ылайык, Бишкек шаарында 3, Чүй облусунда 3, Ош облусунда 2, Баткен облусунда 1 өрт кырсыгы катталган.

Ысык-Ата районуна караштуу Кант шаарындагы үйлөрдүн биринин жанынан Ауди-А4 үлгүсүндөгү унаанын кыймылдаткыч бөлүгү күйүп кетти. Өрттүн келип чыгуусуна электр жабдууларын пайдаланууда эреженин бузулушу себеп болгон. Ушул эле Кант шаарындагы Панфилов-Горький көчөлөрүнүн кесилишинде жайгашкан жыгач устундуу, шифер жабылган 420 чарчы метр кампанын чатыры, ичиндеги 3500 түк чөп, 1000 түк саман толугу менен күйүп кеткен. Учурда өрттүн себеби такталууда.