Кыргызстандын 7 футболдук клубу 2015-жылкы өлкө чемпиондугуна катышуу укугун расмий түрдө алышты

Бүгүн, 9-декабрда КРнын Футбол федерациясынын имаратында 2015-жылкы өлкө чемпиондугуна (ТОП-Лига) катыша турган командаларга лицензия тапшыруу аземи болуп өттү. Анда 2015-жылы футболдук мелдештерге катышуу укугун берген бул лицензияны жалпысынан 7 футболдук клуб алды. Бул тууралуу аталган спорт түрү боюнча федерациянын басма сөз кызматынан кабарлашты.

Маалыматка ылайык, Азия футбол конфедерациясынын стандартына ылайык атайын катталган клубдардын тизмеси төмөнкүчө:

“Дордой” (Бишкек)

“Абдыш-Ата” (Кант)

“Алга” (Бишкек)

“Алай” (Ош)

“Ала-Тоо” (Нарын)

“Нефтичи” (Кочкор-Ата)

“ФЦ” (Бишкек)