Жогорку Кеңеш 2015-жылдын республикалык бюджети жөнүндө мыйзам долбоорун кабыл алды

Жогорку Кеңеште 10-декабрда "Кыргыз Республикасынын 2015-жылга республикалык бюджети жана 2016-2017-жылдарга болжолу жөнүндө" мыйзам долбоору каралып, үчүнчү окууда кабыл алынды. Жыйынга премьер-министр Жоомарт Оторбаев баштаган өкмөт мүчөлөрү, мамлекеттик органдар менен мекемелердин жетекчилери катышты.

Өкмөттүн берген маалыматына таянсак, 2015-жылга ички дүң өнүмдүн номиналдуу көлөмү 442 миллиард 800 миллион сом көлөмүндө, ички дүң өнүмдүн өсүшүнүн иш жүзүндөгү арымы 6,2 пайыздын деңгээлинде (2016-жылы – 6,6 пайыз, 2017-жылы – 7,0 пайыз) болжолдонууда.