Бишкекте көмүрдүн 1 тоннасы 3200-4000 сомдон ашпашы керек

Бишкек шаарындагы отун базаларында көмүрдүн 1 тоннасы учурда 3200-4000 сомдон сатылууда. Көмүрдүн бааларын мамлекеттик көзөмөлгө алуу боюнча өкмөттүн тийиштүү токтомуна ылайык, баалар мындан ашык көтөрүлбөшү керек. Энергетика жана өнөр жай министрлиги билдиргендей, учурда Ленин районунда көмүрдүн 1 мүшөгү 250-270 сомдон сатылып жатат ("Кара-Кече", "Кара-Жыра", "Шабыркүл"). Биринчи Май районунда 1 мүшөк көмүр 220-250 сом ("Кара-Кече", "Шабыркүл"), Свердлов районунда 200-250 сом ("Кара-Кече"), Октябрь районунда 250-300 сом ("Кара-Кече") болууда.