Кыргызстанда быйыл социалдык багыттагы 246 объекттин курулушу жүрдү

Кыргызстанда 2014-жылы социалдык багыттагы 246 объекттин курулушу жүрдү, курулуштардын жалпы суммасы 4 миллиард 483 миллион сом. Муну парламенттин 11-декабрдагы жыйынында депутат Курманбек Дыйканбаев билдирди. Депутаттын билдиришинче, мунун ичинен 15 социалдык объекттин, 36 мектептин курулушу бүттү. 

"Орусиядан 1 миллиард 727 миллион сом грант түрүндөгү кошумча каражат республикалык бюджетке түшкөн. Жыйынтыгында комитет тарабынан төмөндөгүдөй негизги көрсөткүчтөр сунушталды: бюджеттин кирешелер бөлүгү 103 миллиард 325 миллион 757 400 сом, бюджеттин чыгашалар бөлүгү 114 миллиард 794 миллион 628 100 сом, бюджеттин тартыштыгы 11 миллиард 468 миллион 870 700 сом”,- деди депутат.