Бишкектин көчөлөрүндөгү талапка жооп бербеген 48 даана көрнөк-жарнак алынды

1-февралда Бишкектин көчөлөрүндө илинип турган көрнөк-жарнактардын 48 даанасы мыйзамсыз жайгаштырылгандыгы үчүн алынып салынды. Бул тууралуу Бишкек мэриясынын басма сөз кызматы билдирет. Мэриянын алдындагы Жарнама департаменти менен Бишкектеги райондук администрация өкүлдөрү биргеликте атайын рейд жүргүздү. Иш-чаранын жүрүшүндө талапка жооп бербеген Москва, Абдрахманов, Бөкөнбаев, Кулатов көчөлөрүнөн жана Чүй проспектинен 48 жарнама тактайы алынды.