Бишкек шаардык санитардык-экологиялык инспекциясы тарабынан калаанын санитардык абалын текшерүү иштери жүргүзүлдү

Бишкек шаардык санитардык-экологиялык инспекциясы тарабынан калаанын санитардык абалы текшерилди. Бул тууралуу бүгүн, 11-декабрда мэриянын басма сөз кызматынан билдиришти. 

Маалым болгондой, жүргүзүлгөн рейддин алкагында Байтик баатыр көчөсүндөгү №43-жер тилкесинде “Батл Хол” интернет-клубунун кызматкерлери тарабынан кургак тиричилик таштандылары баш аламан чогулуп, санитардык нормалар жана Бишкек шаарын көрктөндүрүү эрежелери көзөмөлдөнбөгөнү аныкталды. Иш-чаранын алкагында санитардык-экологиялык инспекциясынын кызматкерлери тарабынан “Батл Хол” интернет-клубунун администратору Э.Казакбаевдин атына КРнын Административдик жоопкерчилик жөнүндө кодексинин 489-беренеси боюнча протокол түзүлүп, Октябрь райондук административдик комиссиясынын кароосуна жиберилди.