Жоомарт Оторбаев: "Көз карандысыз, адилеттүү сот - мамлекеттин өзөгү"

"Көз карандысыз, адилеттүү сот - мамлекеттин өзөгү". Бул тууралуу бүгүн, 12-декабрда өкмөт башчы Жоомарт Оторбаев Жогорку Соттун 90 жылдыгы менен куттуктоо учурунда билдирди.

“Жогорку Соттун басып өткөн жолу жөнөкөй болгон жок. Ал 1924-жылдан башталган. Эгемендик күндөн тарта сот тутумунда бир катар өзгөрүүлөр болду. Көз карандысыз, адилеттүү сот - мамлекеттин өзөгү. Ансыз экономиканын өнүгүүсү болбойт”,- деди Оторбаев.

Ошондой эле өкмөт башчы Жоомарт Оторбаев сот тармагында иштегендерди бүгүнкү майрамы менен куттуктап, бир катар кызматкерлерге грамоталарды тапшырды.

Айта кетсек, бүгүн, 12-декабрда Т.Сатылганов атындагы Кыргыз улуттук филармониясында Жогорку Соттун 90 жылдыгы белгиленүүдө. Салтанаттуу иш-чарага КРнын Президентинин аппаратынын жетекчиси Данияр Нарымбаев, Жогорку Кеңештин төрагасы Асылбек Жээнбеков, Жогорку Соттун төрайымы Феруза Жамашева жана сот тармагында иштеген кызматкерлер катышууда.