Саламаттыкты сактоо министри Ленинград блокадасынын ардагерлеринин абалы менен таанышты

Саламаттыкты сактоо министри Талантбек Батыралиев Ленинград блокадасынын ардагерлеринин абалы менен таанышты. Бул тууралуу бүгүн, 15-декабрда Саламаттыкты сактоо министрлигинин басма сөз кызматынан билдиришти.

Маалыматка ылайык, Ленинград блокадачылар коому министрге медициналык жардамга көбүрөөк муктаж болгон, жашы 80ден ашкан Надежда Готина, Аркадий Матюшинский, Анастасия Радионовадан кабар алууну сунушташкан.

“Алардын айрымдары бир нече жылдан бери медициналык кызматкерлерди көрө элек. Дарыгерлер ардагерлердин үйлөрүнө барышкан да эмес. Мындан тышкары алар буга чейин көптөгөн диагностикалык жана медициналык кызмат үчүн акы төлөп келишкен. Бул жагдайга шашылыш түрдө чара көрүлүшү керек”,- деди Талантбек Батыралиев.

Белгилүү болгондой, министр ар бир блокадачы менен таанышып чыгып, аларга зарыл болгон стационардык жана амбулатордук жардамдарды көрсөтүүгө буйрук кылды.