Өлкө аймагында каттоодон өткөн транспорт каражаттарынын саны 1 миллиондон ашты

Өлкө аймагында 2004-жылга чейин каттоодон өткөн транспорттун саны 160 миңден ашчу эмес. Бүгүнкү күндө жалпы каттоодон өткөн транспорт каражаттарынын саны 5 эсеге көбөйдү. Бул тууралуу бүгүн, 16-декабрда маалымат жыйынында КРнын ИИМинин Жол-кайгуул кызматынын жетекчисинин орун басары Ыманалы Саркулов билдирди.

“Акыркы 10 жыл аралыгында өлкө боюнча транспорттук каражаттардын саны 1 миллиондон ашты. Жылдан-жылга өлкөдө унаалардын саны көбөйүүдө. Бул жагдайга байланыштуу жол инфраструктурасында тиешелүү өлчөмдө курулуш иштери да жүрүүдө. Өзүңүздөр байкагандай, учурда борбор калаада унаанын көптүгүнөн унаа тыгындар да көбөйүүдө. Ошол себептен улам азыркы тапта бир нече көчөнү бир тараптуу кылуу боюнча бир катар иш-чаралар жана сүйлөшүүлөр жүрүүдө”,- деди Ы.Саркулов.