Кыргызстандын түштүк аймагындагы айрым райондордо көмүр арзандады

Кыргызстандын түштүгүндөгү айрым райондордо көмүрдүн баасы арзандаганын Энергетика жана өнөр жай министрлигинин Байкоочу кеңешинин катчылыгы билдирди. Маалымат боюнча, Таш-Көмүр шаарында 1 тонна көмүрдүн баасы 3400 сом болсо, Базар-Коргон районунда 2850 сомду түзүүдө. Ал эми Ош шаарында көмүрдүн баасы 11 000,  Токтогул районунда 7000, Кара-Кулжа, Кадамжай райондорунда 6500, Жалал-Абад шаарында 7000 сом болууда.