Ош. Жыл ичинде Билим берүү башкармалыгына жарандар көбүнчө балдарын бала бакчаларга киргизүү көйгөйү менен кайрылышкан

Жыл ичинде Ош шаардык билим берүү башкармалыгына жарандардан 46 арыз, даттануулар жана кайрылуулар келип түшкөн. Булардын 43үнө башкармалык тарабынан тиешелүү жооп кайтарылып, көйгөйлөр чечилди. Учурда 3 даттануу каттары каралууда. Бул тууралуу Ош шаардык билим берүү башкармалыгынан кабарлашты.

Маалыматка ылайык, башкармалыкка келип түшкөн арыз, даттануу жана кайрылуулардын басымдуу бөлүгүн балдарын шаардагы бала бакчаларга киргизүү көйгөйү түзөт. Бул көйгөйлөрдү адилеттүү чечүү үчүн бала бакчаларга электрондук кезекке коюу толук иш жүзүнө ашырылды.