Мамлекеттик кызматкерлерге кыргыз тилин билүүсүн милдеттендире турган мыйзам долбоору боюнча парламенттик угуу өтөт

19-декабрда мамлекеттик кызматкерлерге кыргыз тилин билүүсүн милдеттендире турган мыйзам долбоору боюнча парламенттик угуу өтөт. Долбоордун демилгечиси депутат Кожобек Рыспаев. Мыйзам долбоору мамлекеттик кызматкерлерге мамлекеттик тилди билүү боюнча квалификациялык талабын караштырат. Угууда кызматкерлердин мамлекеттик тилди билүү деңгээлин аныктоо тартиби, критерийлери жана бул багытта мамлекеттик органдар тарабынан кандай иш-чаралар жүргүзүлүп жатканы талкууланат. Отурумга Жогорку Кеңештин депутаттары жана тийиштүү чиновниктер катышмакчы.