Ысык-Көл. Облуста 2012-жылы 44 миң тонна эт, 186 миң тонна сүт өндүрүлгөн

2012-жылы Ысык-Көл облусунда өнөр жай ишканалары тарабынан 1 миллиард 105 миллион сомдук азык-түлүк өндүрүлгөн. Бул тууралуу өкмөттүн Ысык-Көл облусундагы өкүлчүлүгүнүн басма сөз катчысы Назира Муканбетова билдирди. Маалыматка ылайык, өткөн жылы облуста 43,9 миң тонна эт, 186,6 миң тонна сүт, 72,7 миллион даана жумуртка жана 1,8 миң тонна жүн өндүрүлгөн. Мындан сырткары 127,8 миң тонна дан эгиндери, 486,9 миң тонна картошка жыйналган.