Талас районундагы автокырсыктан 5 жашар бала каза болду

3-февралда Талас облусунун Талас районунда жол кырсыгы болуп, окуядан 5 жашар бала каза болду. Окуя аталган райондун Кара-Ой айылында орун алды. ИИМдин маалыматына ылайык, саат 12:00 чамасында 32 жаштагы жергиликтүү тургун Ж.Ж. өзүнүн Ауди 100 унаасы менен 2008-жылы туулган А.Т. аттуу баланы сүзүп кетип, ал кырсык болгон жерде көз жумган. Алдын ала айтылган божомолдорго ылайык, бала жолдон өтүп бара жаткан маалда айдоочу унааны токтотконго үлгүрбөй калган. Учурда иликтөө иштери жүрүүдө.