Кыргызстан европалык уюм менен куралдар жана ок-дарылар боюнча программаны ишке ашыруу боюнча келишимдерди бекитти

КРнын Коргоо министрлиги жана Европадагы коопсуздук жана кызматташтык уюму (ОБСЕ) жеңил атуучу куралдар жана ок-дарылар боюнча программаны ишке ашырууга байланышкан бир катар келишимдерге кол коюшту. Бул тууралуу бүгүн, 18-декабрда КРнын Куралдуу күчтөрүнүн Генералдык штабынын басма сөз кызматы билдирди.

Маалыматка ылайык, жеңил атуучу куралдарды жана ок-дарылардын запастарын колдонуу, аларды сактоо боюнча жаңы кампаларды куруу, Коргоо министрлигинин өздүк курамы үчүн тренингдерди өткөрүү, мөөнөтү бүткөн курал-жарак, ок-дарыларды жок кылуу боюнча маселелер камтылган келишимге коргоо министринин биринчи орун басары, полковник Замир Суеркулов жана ЕККУнун (ОБСЕ) Бишкектеги борборунун башчысы Сергей Капинос кол коюшту.