Ош шаарындагы мектептерде жазуучу Зуура Сооронбаеванын 90 жылдыгы белгиленет

Ош шаардык билим берүү башкармалыгына караштуу бардык мектептерде 25-декабрга чейин КРнын Эл жазуучусу Зуура Сооронбаеванын 90 жылдыгына карата мааракелик салтанаттар белгиленет. Бул тууралуу бүгүн, 19-декабрда аталган башкармалыктан кабарлашты.  

Маалыматка ылайык, анда жазуучунун чыгармачылыгы боюнча окуучулар тарабынан даярдалган кечелер уюштурулуп, дубал гезиттер чыгарылат. Иш-чара 12-декабрь - Улуттук адабият күнүнө карата, "КРнын Ош шаарынын статусу" жөнүндө мыйзамынын 8, 18, 20-беренелерин эске алып, Ош шаардык мэриясынын 2014-жылдын 16-декабрындагы №265-токтомунун негизинде Билим берүү башкармалыгынын чыгарган буйругуна таянуу менен өткөрүлөт.