Бишкекте кыргыз-кытай мамилелери талкууланды

Бүгүн, 19-декабрда Кыргыз Республикасынын Тышкы иштер министринин орун басары А.Бешимов Кытайдын Кыргызстандагы атайын жана ыйгарым укуктуу элчиси Ци Даюй менен жолугушту. Бул тууралуу ТИМдин басма сөз кызматы билдирди.

Маалыматка караганда, жолугушуунун жүрүшүндө тараптар эки өлкө ортосундагы стратегиялык өнөктөштүктү өнүктүрүү талкууланды. Ошондой эле эки өлкөнүн кызыкчылыгы үчүн буга чейин Кыргызстан менен Кытайдын мамлекет башчылары түзгөн келишимдерди ишке ашыруунун жолдору каралды.