Дамира Ниязалиева: "Кыргызстанда "Баатыр эне" наамын алуу үчүн 8000 эне кезекте турат"

"Учурда “Баатыр эне” наамын алуу үчүн 8000 көп балалуу эне кезекте турат. Бирок аларга медалдарды жасап берүүгө бюджетте акча жок”,- деп билдирди бүгүн, 5-февралда ЖКнын Социалдык саясат комитетинин жыйынында депутат Дамира Ниязалиева. Ал эми КРнын Президентине караштуу Мамлекеттик сыйлыктарды тапшыруу боюнча комиссиянын жооптуу катчысы Асел Кодуранова "Баатыр эне" медалдары 2010-жылы 7-апрелде тонолуп кеткенин маалымдады.