Европанын мыкты жаш футболчусуна ыйгарылуучу “Golden Boy” сыйлыгын Рахим Стерлинг утуп алды

Англиялык “Ливерпуль” футболдук клубунун 20 жаштагы жарым коргоочусу Рахим Стерлинг Европанын мыкты жаш футболчусу катары “Golden Boy” сыйлыгын алды. Добуш берүүдө Стерлинг италиялык “Интердин” оюнчусу Матео Ковачич менен каталондук “Барселонанын” оюнчусу Мунир Эль-Хаддадини артка калтырды. Бул тууралуу бүгүн, 22-декабрда чет элдик маалымат булактары кабарлады.

Маалыматка ылайык, Р.Стерлинг өткөн сезон алкагында “Ливерпулдун” курамында 38 оюн өткөрүп, 10 гол киргизген. Ал эми Англия курамасында 14 беттеш өткөргөн.

Кошумчалай кетсек, “Golden Boy” сыйлыгы 2003-жылдан тарта Европанын мыкты жаш футболчусуна ыйгарылып келет. Сыйлыкты биринчи болуп голландиялык Рафаэль ван дер Варт алса, 2013-жылы италиялык “Ювентустун” оюнчусу Поль Погба алган.