Кыргызстан менен Орусиянын тышкы иштер министрлери Бажы союзун талкуулашты

Кыргызстандын тышкы иштер министри Эрлан Абдылдаев Орусиянын тышкы иштер министри Сергей Лавров менен жолугушту. Тышкы иштер министрлигинин маалымат кызматы билдиргендей, жолугушуу 22-декабрда Москва шаарында, Жамааттык коопсуздук келишим уюмунун уставдык органдарынын жыйынынын алкагында өттү. Министрлер кыргыз-орус кызматташтыгындагы орчундуу маселелер, мунун ичинде Кыргызстандын Евразиялык экономикалык союзга кошулушу боюнча пикир алышышты.