“Коомдук унаадан күч колдонуу менен тоногон” деген шек менен шаардын 24 жаштагы тургуну кармалды

Бишкекте “коомдук унаадан күч колдонуу менен тоногон” деген шек менен шаардын 24 жаштагы тургуну кармалды. Бул тууралуу бүгүн, 24-декабрда Бишкек ШИИББинин басма сөз кызматынан билдиришти. Маалыматка ылайык, милицияга арыз менен 27 жаштагы М.Н. аттуу шаардын тургуну кайрылган. Анда ал коомдук унаада бара жаткан жеринен Киев-Панфилов көчөлөрүнүн кесилишинен күч колдонуу менен анын 300 доллар жана 7 миң сомун алып кеткен белгисиз жарандарга чара көрүүнү өтүнгөн. Жүргүзүлгөн ыкчам аракеттердин натыйжасында кылмышка шектүү катары 24 жаштагы Т.С. аттуу шаардын тургуну кармалды. Учурда бул иш боюнча иликтөө жүрүүдө.