Кыргызстанда 4 окуу жайды өзүн өзү каржылоого өткөрүү туура эмес

"Кыргызстанда 4 жогорку окуу жайды өзүн өзү каржылоого өткөрүү туура эмес, окуу жайлардын баарына бирдей мамиле жасалышы керек",- деди спикер Асылбек Жээнбеков парламенттин 25-декабрдагы жыйынында. Төрага бул маселени парламенттин тармактык комитети карап чыгышы керектигин айтты. "Реформа десе өкмөт башкачараак түшүнүп алган окшойт, мындай аракет жарабайт. Жогорку окуу жайды тандоо студенттин өзүнүн каалоосу болушу керек. Мамлекет күчтүү жаштарга Америкадан болсо да окутууга шарт түзүшү зарыл",- деди Жээнбеков.