Башкы прокурор Аида Салянова кызматтан кеткени айтылууда

Башкы прокурор Аида Салянова кызматынан кетти. Муну бүгүн, 25-декабрда өздүк булактарга шилтеме берүү менен “Азаттык” жарыялады. Башкы прокурор эмгек өргүүсүнөн келгенден кийин кызматын тапшырары айтылды. Башкы прокуратурадан А.Салянова кыска мөөнөткө эмгек өргүүсүнө чыкканын, учурда башкы прокурордун милдетин Темирбек Бекмаматов аткарып жатканын маалымдашты. 

Ал эми президенттик аппараттын маалыматтык-саясат бөлүмүнөн “Башкы прокурор эмгек өргүүсүндө. Кызматтан кетүү боюнча арыз жазды деген маалымат чындыкка туура келбейт” деп билдиришти.