Евразия Кубогунда кыргызстандык жаш хоккейчилер тайпада 5 оюнда тең утулуп калышты

Жаш хоккейчилер арасында өтүп жаткан Евразия Кубогунун алкагында кечээ, 25-декабрда тайпалык баскыч жыйынтыкталды. “Русь” (Орусия), “Юность” (Беларусь), “Металлург” (Орусия), “Рига” (Латвия) жана “Ермак” (Орусия) командалары менен биргеликте “А” тайпасына бөлүнгөн Кыргызстандын жаштар курамасы тайпада бардык 5 беттешинде тең утулуп калды. Тайпада 6-орунду ээлеген команда шарт боюнча кийинки баскычка өтпөйт. Бирок 9-орун үчүн оюн өткөрүү укугуна ээ. Бул тууралуу мелдештин расмий сайты кабарлайт.