Шамиль Атаханов: “Менин кызматтан кеткендигим тууралуу сөздөрдү ИИМ тараткан эмес”

“Менин кызматтан кеткендигим тууралуу сөздөрдү ИИМ тараткан эмес”, - деп билдирди бүгүн, 5-февралда ЖКнын Мыйзамдуулук, укук тартиби жана кылмыштуулук менен күрөшүү боюнча комитетинин жыйынында Ички иштер министри Шамиль Атаханов. Ал эми депутат Ширин Айтматова “бир туруп "министрдин орун басары жумуштан кетти" дешет, бир туруп "министр кетти" дешет. Мынчалык көп интриганын кереги барбы?” деди. Эске сала кетсек, 31-январда ЖКнын жыйынында депутат Сайдулла Нышанов Ички иштер министри Шамиль Атахановдун отставкага кеткендиги тууралуу маалымат жарыялаган.