Кыргызстандын мурунку президенттери убагында Өзбекстан менен жашыруун келишимдерди түзгөнү айтылды

"Кыргызстандын мурунку президенттери убагында Өзбекстан менен жашыруун келишимдерди түзүшкөн". Муну мамлекет башчы Алмазбек Атамбаев 27-декабрда жыл жыйынтыгы боюнча өткөргөн маалымат жыйында билдирди. "Мен жашыруун келишимдерди түзгүдөй Акаев же Бакиев эмесмин. Өзбекстан менен 2001-2008-жылдар аралыгында түзүлгөн эки жашыруун келишим бар",- деген президент Кыргызстанга Өзбекстандан газ берүүнүн токтотулушун Орусия президенти Владимир Путин менен Өзбекстандын президенти Ислам Каримов талкуулаганын билдирди. "Бул жаатта жасалып жаткан иштердин баары өлкөнүн кызыкчылыгы үчүн орун алууда",- дейт мамлекет башчы.