Кыргыз-кытай чек арасы убактылуу жабылат

Кыргыз-кытай чек ара өтмөктөрү убактылуу жабылат. Бул тууралуу 29-декабрда Чек ара кызматынан билдирди. Маалым болгондой, жаңы жылдык майрамга карата Кытай Эл Республикасынын демилгеси менен "Торугарт-автожол" жана "Эркеч-Там-автожол" чек ара өтмөктөрү 2014-жылдын 31-декабрынан 2015-жылдын 4-январына чейин жабылат. 5-январдан тартып жүк ташуучу транспорттук каражаттар кайрадан эки тарапка өтө алышат.